رادارات المرور الجديدة , صور سرية !!

اوسمتي · 02-13-2010, 05:36 PM

بسم الله الرحمن الرحيم

اليوم الأربعاء 27 - 1 - 1431 هـ كنت على طريق الإمام محمد بن سعود ( امتداد مخرج 9 ) بعد تقاطعه مع مخرج الملك عبدالعزيز ولاحظت على جانب الطريق باص تويوتا 15 راكب أبيض متعطل مولع الفليشر وفاتح الباب الخلفي , نظرت له نظرة أخيرة و اكتشفت انه مركب قطعه كبيرة يالله يالله لمحتها أثاريها رادار !!!

طبعا تفاجأت وانقهرت على الحركة الجديدة من المرور يعني ماخذين ماخذين قسايم ؟

ولا المشكلة تتدبل بعد شهر بعد !!

كملت طريقي و أنا منقهر بعد مخرج أبو بكر لقيت باص ثاني ونفس الطريقة موقف ومولع فلشر !! وهات ياقسايم والعالم طاااااااايره !!

المشلكة السرعة الرسمية 70 و لا واحد ماشي 70 يعني الكل قسااااايم !!

انقهرت زود الصراحة وقلت وأنا راجع بإذن الله بأديور وأوقف عند وحدة منها وأصورها لكم ..

كملت طريقي وبعد مخرج عثمان وعند جامعة نورة لقيت وحدة ثالثة واقفة !!!!

قلت جابها الله والله و أوقف و أصورها لكم ..

وهذه الصور بالتعليق :

صورة أخرى للكميرة والرادار :

هذه اللي عند جامعة الأميرة نورة بعد ماديورت والله ولافي أمل تشك فيها :

وهذه اللي بعد تقاطع أبو بكر , مسكين خربان عليه الموتر ومولع فليشر !!

وهذه اللي بعد الملك عبدالعزيز :

طبعاً اليوم كانت على طريق الإمام سعود بكرة يمكن في الشفا وبعده في خنشليه وبعده في العليا

المطلوب : خل عنك الفهاوه وتشوّف في الطريق زين قبل لاتسرع والا امش على " تسعيرة " الحكومة

في الأخير أي واحد شاف هالصور فاليعلم اني وفرت عليه كم مخالفة فهل أستاهل منكم كم دعوة

ملطوووش لعيونكم,,,

vh]hvhj hglv,v hg[]d]m < w,v svdm !!

اوسمتي · 02-13-2010, 06:00 PM

أسسسستر يــآرب !!
ياخي وش يستفيدون , والشي الغريب ان الواحد إذا جاء يسدد المخالفات يلقى اشياء مايدري عنها
والسبب هالمرور السري الله يكفينا الشر
يعطيك الفافية يالغالي على الموضوع والتنبية
لآهنت وبيض الله وجهك :)

02-13-2010, 06:28 PM

لآ تعليـق
مـدري وش يستفيـدون مـن هـل ألكـلآم
BrB ~

اوسمتي · 02-13-2010, 06:29 PM

اقتباس:

المشاركة الأصلية كتبت بواسطة ۈحشٍـٍني صۈتڱ

أسسسستر يــآرب !!
ياخي وش يستفيدون , والشي الغريب ان الواحد إذا جاء يسدد المخالفات يلقى اشياء مايدري عنها
والسبب هالمرور السري الله يكفينا الشر
يعطيك الفافية يالغالي على الموضوع والتنبية
لآهنت وبيض الله وجهك :)

سلاام انت تقول اخوي انك لاصرت تسدد المخالفاات تلاقي شيء ماتدري عنهـ
زيي والله لاكن تدري انت كيف الشرطهـ السريهـ يس تاخذ رقم اللوحهـ والحروف
وتحط في الكمبيوتر مخالفات وانت تجي بعدين تسدد وتنجن ما اقوول الى

هاذا حال الدنيا..,,

02-13-2010, 11:00 PM

بسم الله الرحمن الرحيم
السلام عليكم ورحمة الله وبركاته
مشكووووووور اخوي ....... الله يسامحهم
ونصيحتي خلو بالكم من الدوريهههههههات

02-14-2010, 12:18 AM

يسلموو يالغالي على الموضوع

02-14-2010, 12:32 AM

مشـكـور عمــوري وخذ بالكـ منـ هذاي!!

الدوريــــات بس انا سكان في المدينهــ ما عندنا زيــ كذا !!

ويديــك الف عـــافيه على التحذير!!

وكـــــــل الـــــــــــود!!

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اول موضوع واول تصميم اتمنى المرور والتقييم	mada man	قسم التصاميم والجرافيكس	13	03-25-2012 10:05 PM
تقديم : \|تشيلسي vs فالنسيا \| بوابة المرور لدوري الأبطال	ღαѕ∂ ❤ ℓση∂σηღ	مدرجات ستامفورد Stamford-bridge	13	12-06-2011 11:01 PM
تقديم : \|تشيلسي vs فالنسيا \| بوابة المرور لدوري الأبطال	ღαѕ∂ ❤ ℓση∂σηღ	أرشيف منتديات تشيلسي للأبد	3	12-05-2011 09:30 PM
مورينهو: الإنتر استحق المرور للنهائي	ċήèĽšĒĀ ךּς	الدوري الأسباني Liga	7	04-26-2009 10:09 PM

الذين يشاهدون محتوى الموضوع الآن : 1 ( الأعضاء 0 والزوار 1)

\|[ آعلآنآت المنتدىآ ]\|