】 ڛجل حضوٍرڪ بـ بېٺ من ذآئقٺڪ آلشعرېـﮧَ

ليت ما الّا بنيه من بنات المعلا= حاليات المباسم فاتنات الجمالي
خاطري ينشرح والقلب يفهن ويسلا=لو قنص واحده في حد رمح النبالي
من راء حسنهن سبح وهلل وصلى=عالنبي واعتقد انه بحلم الخيالي*
سعد من بينهن يا ناس كيّف وحلّى= با يفضل على الجنه حياه الزوالي
بعد يا من سمعني حلم يا ريت ما الّا= قد تحقق * وحررتوا من الصبر حالي
ليلة البارحة صادفت انا مهر حجلا= في طريق المعلا لا تدوس الرمالي
يسبق المرسدس والكامره الكرولا= قامته كالالف اشبه برمح النبالي
نادش الجعد واعيانه جميله وكحلا= مكتسي بالذهب واليد تلمع شوالي
شل عقلي وقلبي والكبيده وشلّى= الروح والحس وأشغلني بتفكير بالي
يا ترى من عسى جابه الي ودلّى=بعدما قد سهنته بالسنين الطوالي
ربما تاه صدفه عن طريقه وضلّى= ربما بس بالأسباب ما عاد أبالي **
قلت له مرحبا يا الف حيا وسهلا= ذا جمالك منور والا نور الهلالي
الهلال اختسف يا زين والشمس خجلا= من جمالك وغابين النجوم العوالي
انت مثل القمر بالنور عالارض هلّى= وانت كالشمس تشرق فجر بعد الضلالي
وانت فوج الجبل عالسفح يدهم وطلّى= والنسيم البرودي ذي ينسنس*حوالي
وانتي درة عدن وانتي كنوز المكلا= وانتي ما رادة الوحده من الانفصالي
قالت ارجوك ابعد عن طريقي والّا= با اندعي يا مغفل من حوالك رجالي
لا تفكر باني بنت كالغير هبلا= با ياثر على قلبي كلام الحيالي
مطلبك والنوايا واضحه والجواب لا =بنت مثلي شريفه صعب منها المنالي*
قلت هون على بالك حبيبي ومهلا= لا تهدد بكلمة اهل عمي وخالي
لو تجي جيش هرقل راكبه خيل صهلا= حاملين السلب والرمح جنب النبالي
لست خايف بشر مثلي ولا جن كلّا=لا من الموت خائف والّا طعن النصالي
بس خوفي عليك أنته من العين تبلا= يا بعد عمري الغالي وروحي ومالي
وعرف انك شريفه والشرف خير واحلا= من رذيله قبيحه مالها بالخصالي
ما نطق به لساني عنّكّي ليس إلّا= عجز عن وصفك اللي ما يجد له مثالي
مطلبي والنوايا يا غزال المعلا= يدكي واسأل الله ما تطوي حبالي
شخص مثلك خفيف الروح للهم مجلا = با يحقق مرادي لو تكوني حلالي*
قالت العفوا محّد من قفى الحب يسلا= من يحب با يذوق المر بعد الزلالي
من دخل بالمحبه نار مكريب يصلا= يذرف الدمع يسهر ما ينام الليالي
كم محب بعد ما عاهد حبيبه تخلّى= جامله اول ايامه وخان التوالي
قلت يلعن ابو من ساب خله وملّى=فاقد الود ما يعطيه لو بالريالي **
ذي يعاهد وثم خان خله وا ولّى = ليس له بالمحبه تجربه او مجالي**
*كيف با خون سلطان الجمال المولّى= كيف للعبد ينقض عهد قاطع لوالي*
كيف لحمد يفارق قبلته والمصلا=كيف با روح واترك خلف محبوب غالي
قالت أعجبني تبريرك لشكي ومحلا= كل كلمة * بتحليلك حواها الكمالي
عقلي يا احمد يقولي خل همك تسلى= لكن القلب يمنعني ويكثر جدالي
خايف القلب يدخل بالمحبه ويُبلا=بعدما كان راغب في حياته وسالي
ايش أصلك وعفواً عالحيا ان كان قلّى=*هل جنوبي والّا عكس جاوب سؤالي
*قلت خيلي شعيبي لي على الكتف مشلا= يشهد أني جنوبي عكس ذاك الشمالي
قالت انعم باصلك يا شعيبي تعلى= شل رقمي اذا كان الهدف اتصالي
دق سبعه ثلاثه سبعه واحد وضف لا= فوقهم اربعه سته ثلاثه وتالي
الرقم تسعه ثلاثه جيت حيا واهلا= حدد انته واهلك موعدا للوصالي